വള്ളിക്കുന്ന് : വള്ളിക്കുന്ന് സി.ബി.ഹയർ സെക്കണ്ടറി സ്‌കൂളിൽ  2025-2026 അദ്ധ്യയനവർഷത്തെ ക്ലാസ് ലൈബ്രറി പ്രവർത്തനങ്ങളുടെ ഔപചാരിക ഉദ്‌ഘാടനം, ഇന്ന്  (05/08/2025 ചൊവ്വ) രാവിലെ 11 മണിക്ക് 8-A ക്ലാസ്സിൽവെച്ച് നടന്നു. ഹെഡ്മാസ്റ്റർ  വി. പ്രവീൺകുമാർ അദ്ധ്യക്ഷത വഹിച്ച പരിപാടി, പി ടി എ  പ്രസിഡന്റ്  ശ്രീ. പ്രസന്നകുമാർ ഉദ്ഘാടനം ചെയ്തു. പി.ടി.എ. വൈസ്‌ പ്രസിഡന്റ് ശ്രീ. യൂസഫ്, ഇംഗ്ലീഷ് വിഭാഗം അദ്ധ്യാപകനും SRG കൺവീനറുമായ ശശികുമാർ മാഷ്, എന്നിവർ ആശംസകൾ അർപ്പിച്ചു. ക്ലാസ് അദ്ധ്യാപകൻ ഹരീഷ് യു. എം. സ്വാഗതം പറഞ്ഞു. മലയാളം വിഭാഗാദ്ധ്യക്ഷനും സ്‌ക്കൂൾ ലൈബ്രറി പ്രവർത്തനങ്ങൾക്ക് സജീവമായി നേതൃത്വം നൽകുകയും ചെയ്യുന്ന നിധീഷ് മാഷ്, വിദ്യാർത്ഥികൾക്ക് ക്ലാസ് ലൈബ്രറി പ്രവർത്തനങ്ങൾക്കുള്ള നിർദ്ദേശങ്ങൾ നൽകുകയും ഉദ്ഘാടനപരിപാടിക്ക് നന്ദിയർപ്പിച്ച് സംസാരിക്കുകയും ചെയ്തു.