വള്ളിക്കുന്ന്  : തദ്ദേശ സ്വയംഭരണ സ്ഥാപന സ്ഥാപനത്തിലേക്കുള്ള 2025ലെ തിരഞ്ഞെടുപ്പിന്റെ ഫലം പ്രഖ്യാപിച്ച ശേഷമുള്ള വിജയാഘോഷങ്ങൾ ക്രമസമാധാനം  ലംഘിക്കാതിരിക്കാനായി പരപ്പനങ്ങാടി പോലീസ് ശക്തമായ നിർദ്ദേശങ്ങൾ പുറപ്പെടുവിച്ചു.

നാളെ (13 ഡിസംബർ 2025) നടക്കുന്ന എല്ലാ ആഘോഷപരിപാടികളും വൈകുന്നേരം 6 മണിക്ക് മുമ്പ് നിർബന്ധമായും അവസാനിപ്പിക്കണം എന്നതാണ് പ്രധാന നിർദേശം.

പൊലീസ് സ്റ്റേഷൻ ഹൗസ് ഓഫീസർ പുറത്തിറക്കിയ സർക്കുലറിൽ പറയുന്ന പ്രധാന നിർദേശങ്ങൾ:

1 - ഇലക്ഷനോടനുബന്ധിച്ച് സ്ഥാപിച്ചിട്ടുള്ള ഫ്ലക്സ് ബോർഡുകൾ, പോസ്റ്ററുകൾ, ബാനറുകൾ,കൊടി തോരണങ്ങൾ എന്നിവ മാറ്റേണ്ടതാണ്.
2 - വിജയാഹ്ലാദ പരിപാടികൾ വൈകുന്നേരം 6 :00 മണിക്ക് അവസാനിപ്പിക്കേണ്ടതാണ്.. 
3- അനുവാദമില്ലാത മൈക്ക്. ഡി.ജെ . മറ്റ് ബഹു "കേരള ഹൈക്കോടതി നിരോധിച്ച ഉപകരണങ്ങൾ ഉപയോഗിച്ച് ആഘോഷ പരിപാടികൾ നടത്താൻ പാടില്ല.
4- പൊതുസ്ഥലത്ത് വെച്ച് പടക്കം പൊട്ടിക്കാൻ പാടില്ലാത്തതാണ്.
5- എതിർസ്ഥാനാർത്ഥിയുടെ വീടിൻെറെ മുമ്പിൽ വെച്ചോ, എതിർ പാർട്ടി ഓഫീസുകളുടെ മുമ്പിൽ വെച്ചോ പടക്കം പൊട്ടിക്കാൻ പാടില്ലാത്തതാണ്.
6. മദ്യപിച്ചോ, മറ്റ് ലഹരിവസ്തുക്കൾ ഉപയോഗിച്ചോ ആഹ്ലാദ പ്രകടന പരിപാടികളിൽ പങ്കെടുക്കുന്നത് നേതാക്കൾ  നിരുത്സാഹ പ്പെടുത്തേണ്ടതാണ്.
7- ആഹ്ലാദ പ്രകടനങ്ങൾ നടത്തുമ്പോൾ ഗതാഗത തടസ്സമില്ലാതെ നടത്തേണ്ടതാണ്
8- സോഷ്യൽമീഡിയ വഴിയുള്ള അപവാദ പ്രചാരണങ്ങൾ നടത്താൻ പാടില്ലാത്തതും ആയതിനെതിരെ പരാതി ലഭിക്കുന്ന പക്ഷം ശക്തമായ നിയമനടപടികൾ സ്വീകരിക്കുന്നതുമാണ് നിർദ്ദേശങ്ങൾ