ന്യൂ ഡൽഹി :  രാജ്യത്ത്  ഇന്ധനവിലയിൽ വർധന. പെട്രോളിനും ഡീസലിനും ലിറ്ററിന് മൂന്ന് രൂപ വീതമാണ് കൂട്ടിയത്. അന്താരാഷ്ട്ര വിപണിയിലെ ക്രൂഡ് ഓയിൽ വില വർധനയും രൂപയുടെ മൂല്യത്തകർച്ചയും ചൂണ്ടിക്കാട്ടിയാണ് എണ്ണക്കമ്പനികൾ പുതിയ വില പ്രഖ്യാപിച്ചത്.

പുതിയ നിരക്ക് ഇന്നലെ അർധരാത്രി മുതൽ പ്രാബല്യത്തിൽ വന്നു. ഇതോടെ സംസ്ഥാനത്തെ വിവിധ ജില്ലകളിൽ പെട്രോൾ വില വീണ്ടും റെക്കോർഡ് നിരക്കിലെത്തി. ഡീസൽ വിലയും ഉയർന്നതോടെ ചരക്ക് ഗതാഗതം, പൊതുഗതാഗതം, നിത്യോപയോഗ സാധനങ്ങളുടെ വില എന്നിവയ്ക്കും തിരിച്ചടി ഉണ്ടാകുമെന്ന ആശങ്ക ഉയരുന്നുണ്ട്.

ഇന്ധനവില വർധനക്കെതിരെ വിവിധ രാഷ്ട്രീയ പാർട്ടികളും ഉപഭോക്തൃ സംഘടനകളും പ്രതിഷേധം ശക്തമാക്കി. സാധാരണ ജനങ്ങളുടെ ജീവിതച്ചെലവിൽ വലിയ ബാധ്യതയാണ് ഈ വർധന ഉണ്ടാക്കുന്നതെന്ന് വിമർശനം ഉയരുന്നു.