കോട്ടക്കടവ്  : വള്ളിക്കുന്ന് സൈനിക കൂട്ടായ്മയുടെ ജനറൽബോഡി യോഗവും കുടുംബ സംഗമവും കോട്ടക്കടവിലെ അവോക്കി സെൻട്രോ അറീനയിൽ വള്ളിക്കുന്ന് നിയോജക മണ്ഡലം എംഎൽഎ ശ്രീ വി ടി ഇബ്രാഹിം ഉദ്ഘാടനം ചെയ്തു.   വള്ളിക്കുന്ന് സൈനിക കൂട്ടായ്മയുടെ  പ്രസിഡന്റ് ശ്രീ വെലായുധൻ പറമ്പിൽ അധ്യക്ഷത വഹിച്ചു. വള്ളിക്കുന്ന് ഗ്രാമപഞ്ചായത്ത് പ്രസിഡണ്ട് ശ്രീ ഇർഷാദ് അരിയല്ലൂർ മുഖ്യാതിഥി ആയിരുന്നു.

പ്രസ്തുത ചടങ്ങിൽ നൂറാം വാർഷികം ആഘോഷിക്കുന്ന ശ്രീ ഒറുവിങ്ങൽ മാധവൻ സാർ (Ex Army), മലപ്പുറം ജില്ല മെഡിക്കൽ ഓഫീസർ ശ്രീ ഡോക്ടർ വിനോദ് വി, ശ്രീ അൽത്താഫ് സുനിൽ,  സെക്രടറി വള്ളിക്കുന്ന് ഗ്രാമ പഞ്ചായത്ത്,  U20 നാഷണൽ ചാമ്പ്യൻഷിപ്പ് കിരീടം കേരളത്തിന് മണ്ണിൽ എത്തിച്ച വള്ളിക്കുന്നിന്റെ അഭിമാന താരം മാസ്റ്റർ ഡാനിഷ്, KEAM പരീക്ഷയിൽ ജില്ലയിൽ ഒന്നാം റാങ്കും , സംസ്ഥാനത്ത് 17-ാo റാങ്കും  നേടിയ മാസ്റ്റർ അദിഷേക്  സി.കെ, മികച്ച സേവനത്തിന് 2026 ലെ ശൗര്യ സമ്മാൻ പുരസ്കാരം ലഭിച്ച ശ്രീ കൃഷ്ണൻ ടി (റിട്ടേർഡ് സുബേദാർ മേജർ) എന്നിവരെ പൊന്നാടയും ഫലകവും നൽകി ആദരിക്കുകയുണ്ടായി.

ഇതിനോടനുബന്ധിച്ചു തന്നെ സൈനിക കൂട്ടായ്മയുടെ മെമ്പർമാരുടെ 10th, +2 and ഹയർ സ്റ്റഡീസിൽ ഉന്നത വിജയം നേടിയ കുട്ടികളെ കൂടി വള്ളിക്കുന്ന് നിയോജന മണ്ഡലം എംഎൽഎ ശ്രീ ടി വി ഇബ്രാഹിം ആദരിക്കുകയുണ്ടായി.ചടങ്ങിൽ മുരളീധരൻ കെ (സെക്രട്ടറി വള്ളിക്കുന്ന് സൈനിക കൂട്ടായ്മ ) സ്വാഗതവും,  രവീന്ദ്രൻ തറോൽ നന്ദിയും പറഞ്ഞു.