വള്ളിക്കുന്ന് : വള്ളിക്കുന്ന് ഗ്രാമപഞ്ചായത്തിൻ്റെയും കൃഷിഭവൻ്റെയും നേതൃത്വത്തിൽ കാർഷികദിനം ആചരിച്ചു. പ്രസ്തുത ചടങ്ങിൻ്റെ ഉദ്ഘാടന കർമ്മം വള്ളിക്കുന്ന് നിയോജക മണ്ഡലം എം എൽ എ പി അബ്ദുൾ ഹമീദ് മാസ്റ്റർ നിർവ്വഹിച്ചു. ഗ്രാമപഞ്ചായത്തിലെ വിവിധ മേഖലകളിലെ കർഷകരെ പൊന്നാടയണിച്ച് മൊമൻ്റോ  നൽകി ആദരിച്ചു. കച്ചേരിക്കുന്നു നിവാസി  കോഴിശ്ശേരി സുരേഷ് എന്നവരുടെ മക്കൾ അനുബാബു, സനു ബാബു എന്നിവരെ യുവ കർഷകരായി ചടങ്ങിൽ ആദരിച്ചു. കാർഷിക മേഖലയിലേക്ക് കടന്നു വരാൻ പുതു തലമുറ താൽപ്പര്യം കാണിക്കാത്ത ഈ കാലഘട്ടത്തിൽ പഠനത്തോടൊപ്പം പശു വളർത്തലും, വാഴ കൃഷിയുമെല്ലാം താൽപ്പര്യത്തോടെ ചെയ്യുന്ന ഈ വിദ്യാർത്ഥികൾ നാടിന് മാതൃകയാണ്.