വള്ളിക്കുന്ന് : മലബാറിലെ പ്രശസ്തമായ നിറംകൈതക്കോട്ട മേക്കോട്ട ഭഗവതി ക്ഷേത്രത്തിലെ താലപ്പൊലി മഹോത്സവം മാർച്ച് 6 വെള്ളിയാഴ്ച നടക്കും. ഇന്ന് ക്ഷേത്രത്തിൽ  താലപ്പൊലി തീയതി കുറിക്കൽ ചടങ്ങു നടന്നു. ഇതിനു ശേഷം ശാസ്താമണ്ഡപത്തിൽ ഉത്സവത്തിന്റെ  ബ്രൗഷർ  പ്രകാശനം ആദ്യപ്രതി  ക്ഷേത്രം തന്ത്രി ബ്രഹ്മശ്രീ ചിറമംഗലം നാരായണ നമ്പൂതിരിപ്പാട് ദേവകി മെമ്മോറിയൽ ഇൻസ്റ്റിറ്റ്യൂഷൻസിന്റെ ട്രസ്റ്റിയും - മാനേജരുമായ ശ്രീ എം .നാരായണന് ( ഉണ്ണി) നൽകികൊണ്ട് നിർവ്വഹിച്ചു.

താലപ്പൊലി ദിനത്തിൽ പുലർച്ചെ 5 മണി മുതൽ ഉച്ചക്ക് 12 മണി വരെ വിശേഷാൽ ആരാധനകൾ നടക്കും. ഉച്ചക്ക് അന്നദാനം, ഉച്ച തിരിഞ്ഞു ആൽത്തറ മേളം, വൈകീട്ട് മഹാഗുരുതി, സന്ധ്യക്ക് സാംസ്‌കാരിക സമ്മേളനം, മെഗാ സംഗീത പരിപാടി , തായമ്പക എന്നിവ ഉത്സവത്തിന്റെ പ്രധാന ആകർഷണങ്ങൾ ആയിരിക്കും. നാലു ഘട്ടങ്ങളിലായി നടക്കുന്ന വെടിക്കെട്ടും ഉണ്ടായിരിക്കും എന്ന് സംഘാടകർ അറിയിച്ചു.