വള്ളിക്കുന്ന്: നെറുങ്കൈതക്കോട്ട ക്ഷേത്രത്തിലേക്ക് മുകേഷ് അംബാനിയുടെ മകനും റിലയൻസ് എക്സിക്യുട്ടീവ് ഡയരക്ടറുമായ അനന്ത് അംബാനി തന്റെ പിറന്നാൾ ദിനത്തിൽ 75 ലക്ഷം രൂപ സംഭാവനയായി നൽകി . പരപ്പനങ്ങാടി ഉണ്ണിക്കൃഷ്ണപ്പണിക്കരുടെ ഉപദേശപ്രകാരമാണ് ഈ സമർപ്പണം. അനന്ത് അംബാനിയുടെ പിറന്നാൾ ദിനത്തിൽ മേക്കോട്ട ഭഗവതിക്ഷേത്രത്തിൽ വിശേഷാൽ പൂമുടൽ, ഗുരുതി, ശാസ്താക്ഷേത്രത്തിൽ ദിവസപൂജ, നിറമാല, തുടങ്ങിയ വിശേഷാൽ വഴിപാടുകളും നടന്നു. അംബാനികുടുംബത്തിൽ നിന്ന് സംഭാവനയായി ലഭിച്ച തുക ക്ഷേത്രപുനരുദ്ധാരണത്തിന് ഉപയോഗിക്കുമെന്ന് ദേവസ്വം എക്സിക്യൂട്ടീവ് ഓഫീസർ പി. സി. ബിജുരാജ് അറിയിച്ചു.